Mae Llywodraeth Cymru wedi cyhoeddi adroddiad sy’n cyflwyno canfyddiadau cam cyntaf y gwerthusiad ffurfiannol pedair blynedd o’r system Anghenion Dysgu Ychwanegol (ADY).

Mae’r adroddiad yn cyflwyno theori newid ar gyfer y diwygiadau, yn crynhoi canfyddiadau o synthesis o’r dystiolaeth bresennol ar weithredu’r system ADY, ac yn nodi’r cynlluniau a’r blaenoriaethau ar gyfer camau nesaf y gwerthusiad.

Mae’r adroddiad ar gael fan hyn.

Chwefror 6 2023

Mae ein hadroddiad ar brofiad myfyrwyr ymchwil ôl-radd wedi’i gyhoeddi.

Gan dynnu ar ymchwil gyda rhanddeiliaid a grwpiau ffocws gyda myfyrwyr, mae’r adroddiad yn rhoi mewnwelediadau a dealltwriaeth i CCAUC o’r materion sy’n wynebu myfyrwyr ymchwil ôl-raddedig.

Nod yr ymchwil oedd ymchwilio i agweddau allweddol ar brofiadau myfyrwyr ymchwil ôl-raddedig, gan gynnwys cymorth academaidd, cyfleoedd datblygu a hyfforddi, adeiladu cymunedol ymhlith myfyrwyr ymchwil ôl-raddedig a chynrychiolaeth ar lefel sefydliadol. Mae’r adroddiad ar gael yma.

Medi 21 2023

Mae Llywodraeth Cymru wedi cyhoeddi adroddiad gan Arad sydd yn seiliedig ar ymchwil gydag ysgolion a dysgwyr ar weithrediad cynnar y Cwricwlwm i Gymru.

Roedd yr ymchwil yn cynnwys dwy don o ymchwil ansoddol gydag arweinwyr ysgolion a dysgwyr yn ystod y flwyddyn academaidd 2022/23 i ddeall sut mae’r diwygiadau i’r cwricwlwm a’r trefniadau asesu yn gweithio, a’r elfennau sy’n rhwystro ac yn hwyluso gweithredu llwyddiannus.

Mae’r adroddiad ar gael fan hyn.

Gorffennaf 11 2023

Mae adroddiad gan Arad yn gwerthuso gweithgareddau Cwpan y Byd a ariannwyd gan Lywodraeth Cymru wedi ei gyhoeddi.

Roedd gweithgareddau Cwpan y Byd a ariannwyd gan Lywodraeth Cymru yn cynnwys:

• Y Gronfa Cefnogi Partneriaid a ariannodd 19 o sefydliadau diwylliant, chwaraeon ac addysg i gynnal gweithgareddau i ddathlu’r ffaith bod Cymru wedi cyrraedd cystadleuaeth Cwpan y Byd.

• Ymgyrch farchnata estynedig, a oedd yn canolbwyntio ar farchnadoedd targed rhyngwladol ym meysydd busnes a thwristiaeth

• Lleisiau Cymru: Llysgenhadon Cwpan y Byd – menter newydd yn cynnwys grŵp o bedwar unigolyn a weithiodd i godi proffil Cymru yn rhyngwladol ac i helpu i greu canfyddiadau cadarnhaol hirdymor a meithrin perthnasoedd cryf â phartneriaid allweddol

• Digwyddiadau rhyngwladol a drefnwyd gan swyddfeydd tramor Llywodraeth Cymru, yn arbennig yn Qatar ac UDA.

Mae’r adroddiad ar gael fan hyn

Mehefin 15 2023

Comisiynodd Llywodraeth Cymru Arad i gynnal adolygiad annibynnol i ddeall yn well y rhesymau dros y gostyngiad yn nifer y gwarchodwyr plant yng Nghymru.

Mae’r adolygiad yn amlinellu bod gostyngiad sydyn a pharhaus yn y nifer y gwarchodwyr plant cofrestredig a hynny ar adeg pan fo’r galw am ofal plant yn debygol o gynyddu. Mae’r adroddiad yn cynnig nifer o argymhellion i Lywodraeth Cymru ac eraill ddenu a chadw gwarchodwyr plant, cefnogi gwarchodwyr plant presennol i ddarparu ar gyfer mwy o leoedd gofal plant a bod yn fwy hyfyw yn ariannol.

Mae copi o’r adroddiad ar gael yma.

Mai 16 2023

Mae Llywodraeth Cymru wedi cyhoeddi adroddiad terfynol Arad yn seiliedig ar werthusiad y safonau proffesiynol ar gyfer addysgu, arwain a chynorthwyo gwaith addysgu.

Mae’r adroddiad ar gael fan hyn ac yn yn dwyn ynghyd ganfyddiadau gwerthusiad blwyddyn 1 a blwyddyn 2.

Roedd y gwaith ymchwil hwn yn cynnwys cyfweld â rhanddeiliaid allweddol, ac ymchwilio i ddata a gasglwyd drwy’r pasbort dysgu proffesiynol, yn ogystal â chyfweld ag ymarferwyr ar draws ysgolion yng Nghymru.

Mae’r adroddiad yn cyflwyno canfyddiadau’r data a’r gwaith maes, gan amlinellu sut y defnyddiwyd y safonau, y gefnogaeth i ddefnyddio’r safonau, ac effeithiau tybiedig y safonau ynghyd â’r effeithiau a ragwelir.

Ebrill 26 2023

Roedd yr ymchwil yn cynnwys darpar-rieni a rhieni newydd; aelodau o’r gweithlu sydd â diddordeb mewn bwndeli babi, megis bydwragedd ac ymwelwyr iechyd; a sefydliadau rhanddeiliaid sy’n gweithio gyda rhieni neu sy’n eu cefnogi.

Amcanion yr ymchwil oedd casglu tystiolaeth i lywio’r gwaith o gyflwyno’r cynllun bwndeli babi, nodi’r eitemau hanfodol y dylid eu cynnwys yn y bwndel, a phenderfynu ar faes pwnc a fformat unrhyw wybodaeth a ddarperir i rieni fel rhan o’r bwndel. Bu’r ymchwil hefyd yn archwilio barn ar gofrestru ar gyfer y bwndel a’i gyflwyno, yn ogystal ag opsiynau ar gyfer cyflwyno gwybodaeth am y bwndeli babi i ddarpar-rieni. Mae’r adroddiad ar gael yma.

Hoffem hefyd fanteisio ar y cyfle hwn i estyn ein diolch i’r holl gyfranogwyr a roddodd eu hamser a rhannu eu sylwadau gwerthfawr gyda ni yn ystod y cyfweliadau a’r grwpiau ffocws. Diolch