Tachwedd 24 2022

Bwriada Llywodraeth Cymru gyflwyno prosiect Bwndeli Babi Cymru. Bydd y cynllun yn rhoi ‘bwndel babi’ am ddim i rieni beichiog – anrheg sy‘n cynnwys eitemau i fabanod a rhieni, wedi‘u dosbarthu ychydig wythnosau cyn dyddiad dyledus y babi. Mae Llywodraeth Cymru wedi gofyn i gwmni ymchwil Arad i gasglu barn rhieni ar y bwndel babi, ei gynnwys a sut y bydd yn cael ei ddosbarthu.

Dyma linc i’r arolwg, a hysbysiad preifatrwydd gyda rhagor o wybodaeth.

Tachwedd 17 2022

Comisiynwyd Arad gan Lywodraeth Cymru i werthuso blwyddyn gyntaf Prosiect Gwyliau Gwaith Chwarae.

Nod cyllid Gwaith Chwarae 2021 oedd caniatáu i gynlluniau gwaith chwarae yn y gymuned gynnig darpariaeth i fwy o blant nag y byddent wedi gallu gwneud fel arall, ac mae’r dystiolaeth werthuso yn dangos y darparwyd gweithgareddau newydd, ychwanegol. Mae chwarae awdurdodau lleol yn arwain croesawu’r cyllid ychwanegol sydd ar gael ar gyfer chwarae a dywedodd eu bod wedi caniatáu iddynt fynd i’r afael â bylchau a chynnig chwarae i fwy o blant mewn mwy o gymunedau. Mae’r adroddiad ar gael yma.

Link to report

Awst 14 2022

Rydym yn recriwtio ymchwilwyr. Mae mwy o fanylion a swydd ddisgrifiad yma.

Gorffennaf 13 2022

Mae Llywodraeth Cymru wedi cyhoeddi adroddiad gan Arad, mewn cydweithrediad â’r Brifysgol Agored a’r Athro Claire Sinnema o Brifysgol Auckland, yn cyflwyno canfyddiadau astudiaeth gwmpasu ar gyfer gwerthuso diwygiadau i’r cwricwlwm ac asesu yng Nghymru.

Mae’r adroddiad hwn yn nodi’r theori, y tybiaethau a’r dystiolaeth sy’n sail i’r diwygiadau i’r cwricwlwm ac asesu ac yn nodi argymhellion ar gyfer rhaglen fonitro a gwerthuso gadarn.

Mae’r adroddiad ar gael fan hyn.

Mehefin 28 2022

Mae ail adroddiad gan Arad ar baratoadau ysgolion ar gyfer y Cwricwlwm i Gymru wedi ei gyhoeddi gan Lywodraeth Cymru.

Mae’r adroddiad hwn yn cyflwyno darganfyddiadau o 48 cyfweliad ag uwch arweinyddion ac ymarferwyr mewn ysgolion ar dras Cymru. Dewiswyd rhain o blith y rhai â ymatebodd i’r arolwg ar Baratoadau ar gyfer Diwygiadau Cwricwlwm ac Asesu 2022 (wedi’i ymgymryd ym mis Mehefin a Gorffennaf 2021) ac wedi dewis i gael eu hailgysylltu.

Pwrpas y cyfweliadau oedd archwilio ymatebion i’r arolwg mewn mwy o fanylder ac i ddysgu pa elfennau o wireddu’r cwricwlwm oedd yn gweithio’n dda a llai da.

Mae’r adroddiad ar gael fan hyn.

Ebrill 28 2022

Mae adroddiad gan Arad yn gwerthuso rhaglen Dyfodol Byd-eang wedi cael ei gyhoeddi gan Lywodraeth Cymru.

Dyfodol Byd-eang yw cynllun Llywodraeth Cymru i gynorthwyo’r holl ddysgwyr i fod yn ddinasyddion byd-eang, sy’n gallu siarad gyda phobl mewn ieithoedd eraill, gan werthfawrogi eu diwylliant eu hunain a diwylliannau eraill ac sy’n gallu manteisio ar ystod eang o gyfleoedd yma yng Nghymru ac ar draws y byd

Prif nodau’r gwerthusiad oedd:

• amcangyfrif y ddarpariaeth ieithoedd rhyngwladol ar hyn o bryd mewn ysgolion cynradd ac uwchradd yng Nghymru

• cyfuno’r dystiolaeth o Dyfodol Byd-eang 2015 i 2020 a’r effaith ar ysgolion, gan ddarparu cyd-destun ar gyfer gwerthuso strategaeth 2020 i 2022

• nodi sut y gall Dyfodol Byd-eang 2020 i 2022 addasu a chyd-fynd â’r Cwricwlwm newydd i Gymru

• amlinellu’r camau nesaf ar gyfer Dyfodol Byd-eang

Mae’r adroddiad ar gael fan hyn

Ionawr 31 2022

Mae Llywodraeth Cymru wedi cyhoeddi adroddiad gan Arad ar baratoadau ar gyfer gweithredu’r Cwricwlwm i Gymru.

Mae’r adroddiad yn cyflwyno canfyddiadau arolwg a gynhaliwyd ym mis Mehefin a mis Gorffennaf 2021 yn archwilio paratoadau ymarferwyr ysgolion ar gyfer cyflwyno’r Cwricwlwm i Gymru.

Mae’r canfyddiadau a gyflwynir yn yr adroddiad hwn wedi’u seilio ar arolwg ymhlith yr holl ysgolion a’r unedau cyfeirio disgyblion yng Nghymru, a ddosbarthwyd drwy nifer o sianeli. Cafwyd dros 600 o ymatebion i’r arolwg.

Mae’r adroddiad ar gael fan hyn.

Ionawr 4 2022

Mae adroddiad gan Arad ar gyfer Amgueddfa Cymru yn dadansoddi’r ymatebion a dderbyniwyd i ‘Holiadur casglu drwy Covid Cymru 2020’ wedi cael ei gyhoeddi. Bwriad yr arolwg oedd casglu straeon personol ar draws y wlad i greu darlun cynhwysfawr o fywyd yng Nghymru yn ystod y cyfnod clo cyntaf a thu hwnt. Roedd y cwestiynau yn cyffwrdd â’r themâu canlynol:

• bywyd bob dydd

• iechyd a lles

• llywodraeth a gwybodaeth

• y dyfodol

Mae’r adroddiad yn cyflwyno’r themâu gafodd eu hadnabod o fewn yr ymatebion i bob cwestiwn, ynghyd â dyfyniadau gan ymatebwyr unigol.

Mae’r adroddiad ar gael fan hyn.

Ionawr 4 2022

Mae adroddiad gan Arad ar Werthusiad o’r safonau proffesiynol ar gyfer addysgu, arwain a chynorthwyo gwaith addysgu wedi cael ei gyhoeddi gan Lywodraeth Cymru.

Mae’r adroddiad hwn yn cyflwyno canfyddiadau gwerthusiad blwyddyn 1 y safonau proffesiynol ar gyfer addysgu, arwain a chynorthwyo gwaith addysgu.

Roedd y gwaith ymchwil hwn yn cynnwys cyfweld â rhanddeiliaid allweddol, ac ymchwilio i ddata a gasglwyd drwy’r pasbort dysgu proffesiynol, yn ogystal â chyfweld ag ymarferwyr ar draws 20 o ysgolion yng Nghymru.

Mae’r adroddiad yn cyflwyno canfyddiadau’r data a’r gwaith maes, gan amlinellu sut y defnyddiwyd y safonau, y gefnogaeth i ddefnyddio’r safonau, ac effeithiau tybiedig y safonau ynghyd â’r effeithiau a ragwelir.

Mae’r adroddiad ar gael fan hyn.