(Llywodraeth Cymru, 2017-18)

Ar hyn o bryd, mae Arad yn gweithio mewn partneriaeth â NatCen Social Research i werthuso’r gweithrediad cynnar y cynnig 30 awr o ofal plant am ddim. Bydd y gwerthusiad yn cynhyrchu dysgu i fireinio’r ffordd y mae’r cynnig yn cael ei roi ar waith yn llawn a’i nod yw darparu mewnwelediad cynnar i’r cyflwyno, y defnydd o’r cynnig a’r ymatebion i’r newid polisi o ran defnyddio gofal plant a phatrymau cyflogaeth rhieni. Mae arolwg yn cael ei gynnal gyda rhieni, a bydd cyfweliadau gyda darparwyr gofal plant, rhieni a rhanddeiliaid allweddol hefyd yn cael eu cynnal.

(Cyngor Caerdydd, 2016)

Darparodd Arad archwiliad a chynllun gweithredu i Gyngor Caerdydd ar ymgysylltu â phobl ifanc a datblygiad pobl ifanc o fewn addysg, hyfforddiant a chyflogaeth. Roedd y gwaith yn cynnwys archwiliad o ymgysylltu â phobl ifanc, gweithdy gydag adrannau a sefydliadau perthnasol y Cyngor i ddeall gweithgarwch a darparu cynllun gweithredu yn gwneud argymhellion ar ddatblygiad cynnig ieuenctid y Cyngor.

(Llywodraeth Cymru, 2014-15)

Comisiynwyd Arad, mewn partneriaeth ag ICF, i gynnal gwerthusiad ffurfiannol o’r Fframwaith Ymgysylltu a Datblygu Ieuenctid. Roedd y gwerthusiad yn cynnwys ymchwil fanwl ar y cynnydd a wnaed o ran gweithredu’r fframwaith ar draws awdurdodau lleol yng Nghymru. Cynhaliwyd cyfweliadau â rhanddeiliaid ym mhob awdurdod lleol yng Nghymru yn ogystal â chyfweliadau ag arweinwyr polisi a rhanddeiliaid cenedlaethol fel Llywodraeth Cymru a’r Ganolfan Byd Gwaith. Cynhaliwyd adolygiad o ddata eilaidd hefyd fel rhan o’r broses o ddatblygu fframwaith gwerthuso ar gyfer gwerthuso effaith y fframwaith yn y dyfodol.

(Rhwydwaith Cymunedau’n Gyntaf Gwynedd, 2014-15)

Cynhaliodd Arad werthusiad o’r prosiect Gyrru Ymlaen at Sgiliau. Nod y prosiect tair blynedd a ariannwyd gan y Gronfa Loteri Fawr oedd cefnogi pobl ifanc NEET ac mewn perygl o fod yn NEET drwy roi cyfleoedd iddynt fanteisio ar gyrsiau byr achrededig yn ogystal â chymorth mentora parhaus. Roedd y gwerthusiad yn cynnwys gwaith maes gyda phobl ifanc, staff cyflwyno, mentoriaid ac asiantaethau cyfeirio yng Ngwynedd yn ogystal ag asesiad gwerth am arian.